پیغامِ خاص – ملفوظاتِ محبوبِ ذات

1937

میں حضور نبیٔ کریم ﷺ نے حضرت ابو ایوب انصاری رضی اللہ عنہ کی اولاد کے ہاتھ حضرت محبوبِ ذات قدس سرہٗ العزیز کو تحریری طور پر ایک خاص الخاص پیغام بھیجا‘ جس کی تفصیل یہ ہے۔

حضور رسالت مآب ﷺ نے اپنے جاروب کش‘ جو حضرت ابو ایوب انصاری رضی اللہ عنہ کی اولاد میں سے ہیں‘ کو حکم دیا کہ وہ ان کا خاص پیغام حضرت محبوبِ ذات قدس سرہٗ العزیز تک پہنچا دیں۔ ساتھ ہی انصاری صاحب کی سہولت کے لیے ان کو حضرت محبوبِ ذات قدس سرہٗ العزیز کی زیارت کرا دی اور فرمایا کہ آپ شمالی ہندوستان میں سکونت پذیر ہیں۔ اس حکم کی تکمیل کے لیے انصاری صاحب نے اپنے والد سے رقم طلب کی جس پر انہوں نے کہا کہ بیٹا کھجور کا باغ بیچ کر رقم حاصل کر لو۔ چنانچہ ایسا ہی کیا گیا اور باغ تیرہ سو ریال میں فروخت کر کے انصاری صاحب وہ تحریری پیغام لے کر عازمِ برّ صغیر ہوئے۔ یہاں پہنچ کر مختلف درباروں اور خانقاہوں میں گئے مگر ناکامی ہوئی۔ بالآخر بسیار تلاش کے بعد انصاری صاحب دربار شریف منڈیر سیّداں پہنچ گئے اور پہلی ہی نظر میں سرکارِ عالی قدس سرہٗ العزیز کو پہچان گئے۔ اس کے باوجود انصاری صاحب نے مشاہدہ میں حضور نبی کریم ﷺ کی بارگاہ میں عرض پیش کر کے اس امر کی تصدیق کی۔ استدعا کی کہ آیا وہ درست مقام پر پہنچ گئے ہیں؟ حضور نبی کریم ﷺ نے تصدیق فرمائی۔ اس پر انصاری صاحب نے وہ تحریری پیغام یا حکم نامہ‘ جو عربی میں تحریر ہے‘ حضرت محبوبِ ذات قدس سرہٗ العزیز کی خدمت میں پیش کر دیا۔ آپ نے اس تحریر کو چوما اور آنکھوں سے لگایا۔ وہ تحریری پیغام میرے پاس محفوظ ہے۔ انصاری صاحب نے حضور نبی کریم ﷺ کا یہ پیغام بھی دیا کہ حضور نبی کریم ﷺ نے فرمایا ہے کہ ’’ہم نے اسلام کو آپ کے سپرد کر دیا ہے۔ اب اس کی حفاظت آپ کے ذمہ ہے‘‘۔ نیز انصاری صاحب نے کہا کہ آپ جلد درجۂ محبوبیت پر فائز ہونے والے ہیں۔ انصاری صاحب نے ساری روداد میری موجودگی میں سنائی۔ اس کے بعد حضرت محبوبِ ذات قدس سرہٗ العزیز کی تمام زندگی اسلام کی سر بلندی اور سر فرازی کی کوششوں میں بسر ہوئی۔

Advertisements
This entry was posted in ملفوظاتِ محبوبِ ذات, محبوبِ ذات and tagged , , , , , , , , , , , , , , . Bookmark the permalink.

اپنی رائے نیچے بنے ڈبے میں درج کر کے ہم تک پہنچائیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Connecting to %s